Comments on: Bankastærðfræði 101

By: hjalli

hjalli — Tue, 07 Apr 2009 22:59:30 +0000

Örn: Ég skrifaði þetta fyrir ári síðan. Þetta var 1. apríl í fyrra

By: Örn

Örn — Tue, 07 Apr 2009 21:22:41 +0000

Það á auðvitað að stinga þér inn. Þann 1. apríl var bannað skv lögum að skipta krónum yfir í evrur til að stofna fjármálafyrirtæki. Afgreiðslumaðurinn sem afgreiddi þig á einnig yfir höfði sér tveggja ára dóm.

By: hjalli

hjalli — Wed, 25 Jun 2008 14:26:18 +0000

Grínlaust, þá velti ég þessu reyndar fyrir mér og get ekki skilið málin þetta öðru vísi en manni beri að borga 10% skatt af hagnaðnum sem maður hefur í krónum af því einu að eiga pening í evrum. Þá fyrst er nú vitleysan orðin alger.

By: hjalli

hjalli — Wed, 25 Jun 2008 14:24:30 +0000

Ég sá við þessu og keypti upp eignalaust eignarhaldsfélag sem á tap sem mun duga mér til skattafrádráttar næstu fimm árin

By: Guðjón

Guðjón — Wed, 25 Jun 2008 12:45:39 +0000

Mjög áhugaverð pæling, en hvernig verður staða bankans þíns eftir skatta? Ber þér ekki að greiða skatta af gengishagnaðinum?

By: hjalli

hjalli — Tue, 24 Jun 2008 18:28:52 +0000

Drengir! Útlit getur verið villandi og ég er ekki eins vitlaus og ég lít út fyrir.

Bankasagan hér að ofan er auðvitað kaldhæðið komment bæði á uppgjör bankana og það hvernig fjölmiðlar og almenningur hneykslast á hagnaði bankanna (í krónum) án þess að veita því athygli í augnablik að hagnaðurinn er margfalt minni – jafnvel tap – ef talið væri fram í hlutfalli við umsvif bankanna í öðrum gjaldmiðlum.

Það athyglisverða er svo reyndar að ef krónan hefði verið að styrkjast á tímabilinu, hefði ég getað sagt söguna örlítið öðruvísi og líka talið ykkur trú um að ég hefði hagnast.

Annars skilst mér að það eigi að fara að taka hluta af viðskiptafræðinni inn í Listaháskólann. “Creative accounting” er auðvitað ekkert síður listgrein en t.d. málaralist eða leikritun

By: Borgar

Borgar — Tue, 24 Jun 2008 16:36:34 +0000

Það er rétt greint hjá gummah að reiknidæmið er búið þegar þú ert kominn í 11 þúsundin. Það má alls ekki að halda áfram að reikna þaðan.

Ef ég skil það sem þú ert að segja, er slík smámunasemi þó ekkert að stöðva bankana (aka. alþjóðlegu fjármálafyrirtækin) í því að telja td. gengisáhrif á gjaldeyrisforða sem hagnað eða tap. Eða jafnvel (samsæri!) reyna að fitla við gengið til þess að geta sýnt fram á hagnað eða betri stöðu.

Tengingin er kannski ekki nógu augljós fyrir þá sem ekki fylgjast með fjálmálum. Það er auðvelt að halda að þú skiljir einfaldlega ekki gengi. Ég held nú frekar að þú skiljir gengi akkúrat betur en flestir sem lesa færsluna.

Nema ég sé á villigötum og þú fattir bara ekki gengi?

By: gummih

gummih — Tue, 24 Jun 2008 14:40:22 +0000

Snilld, gaman að svona pælingum. Eins og ég sé þetta þá hagnaðistu auðvitað ekki um eina einustu evru, ef þú hefðir hinsvegar átt krónurnar áfram þá hefðu þær rýrnað um sem jafngildir 87evrum þannig að með viðskiptunum þá forðaðistu einfaldlega þetta tap.
Sá sem seldi þér evrurnar er hinsvegar ekki eins lukkulegur því ef hann vill kaupa sér evrur fyrir krónurnar sem þú borgaðir honum þá fengi hann auðvitað bara tæpar 913 evrur í dag. Þannig að til að svara spurningunni um hvar þessar 87 evrur eru þá vil ég meina að það eru engar 87 evrur í spilinu, það eru bara “mínus 87″ evrur og þessar mínus evrur eru (ekki) í vasanum hjá aðilanum sem seldi þér evrurnar fyrir krónur fyrsta apríl.

Þú græddir enga evru, en græddir 11470 krónur.
Aðilinn sem þú verslaðir við græddi ekki krónu en tapaði 87 evrum.