Íslandskort Guðbrands Þorlákssonar

Þetta prentaða kort er byggt á týndu korti Guðbrands biskups Þorlákssonar. Kort Guðbrands var væntanlega teikning, en notað sem heimild við eirstungu í kortagerð Abrahams Orteliusar í Hollandi 1585 og svo prentað 1590. Nánar má fræðast um kortið og tilurð þess hér.

Á kortinu eru um 250 örnefni, mörg afbökuð og sum ef til vill hreinn skáldskapur. Sé rýnt í kortið má þó staðsetja nær allt og að mörgu leyti kemur nákvæmni kortsins á óvart. Aðeins 17 örnefni teljast algerlega óþekkt.

Flettu merkingunum með því að smella á takkann hér að neðan eða smelltu á örnefni eða merkingu á kortinu til að sjá nánari upplýsingar, nútímamynd nafnsins, skýringar og staðsetningu.

Kortamynd: Landsbókasafn Íslands - Háskólabókasafn.
Nútímakort: OpenStreetMap.
Greining: Hjálmar Gíslason með dyggri aðstoð Claude Fable 5 og Örnefnasjár Náttúrfræðistofnunar.