Della dagsins

Smellið til að fá stærri mynd

Ég hef lengi verið heillaður af “dellu dagsins” – málinu sem “allir” á Íslandi hafa sterka skoðun á í örfáa daga og hverfa svo úr umræðunni, oftast án þess að hún hafi skilað neinu.

Um jólin ákvað ég að gera mér að leik í nokkrar vikur að skrá niður helstu dellurnar sem dúkka upp. Myndin hér að ofan sýnir 42 daga af þessum dellum. Það skal tekið fram að “mælingin” er algerlega huglæg og byggir ekki á neinum vísindum eða mælanlegri stærð, heldur bara tilfinningu fyrir “umræðunni”.

Það er svolítið skondið að líta yfir þetta og hugsa til baka. Eru kannski atriði á listanum sem þið munið eftir að hafa verið “alveg brjáluð” yfir, en voruð búin að gleyma? Veriði nú heiðarleg.

Flest eru þetta smámál sem engu skipta í stóra samhengi hlutanna, en jafnvel því sem skiptir máli er svo hvort eð er aldrei fylgt eftir (né hinu ef út í það er farið). Eða hver eru t.d. svörin við eftirfarandi spurningum:

• Er Ölgerðin hætt að selja iðnaðarsalt til matvælaframleiðenda?

• Nærist Ölfusárlax enn á kúknum úr Selfossbúum?

• Er hundurinn Lúkas enn á lífi?

Væri kannski hægt að nota þann tíma og þá orku sem fer í þessi upphlaup betur? Hér eru til dæmis eldri vangaveltur um heilbrigt “upplýsingaæði”. Þær gætu verið ágætur upphafspunktur.

– – –

P.S. Fyrir þá sem hafa svo áhuga á að rifja uppþotin á myndinni hér að ofan upp, þá er þetta listi þeirra atriða sem komust á myndina:

• 1. desember 2013: Aníta ekki valin íþróttamaður ársins
• 1. desember 2013: Ljóst.is lekinn
• 1. janúar 2014: Samstaðan predíkeruð í áramótaávarpi
• 1. janúar 2014: “Friðlýsing” Þjórsárvera
• 1. janúar 2014: Vine-stjörnur í Smáralind
• 1. janúar 2014: Myndbirting af flugslysi
• 1. janúar 2014: MP banki og frískuldamarkið⚠
• 1. janúar 2014: Listamannalaun
• 1. janúar 2014: Súkkulaðikleinur Ragnheiðar Elínar
• 1. janúar 2014: Nasista-kveðja Björns Braga yfir landsleik
• 1. janúar 2014: Rasismi Geirs Haarde⚠
• 1. janúar 2014: “Afnám” verðtryggingar
• 1. janúar 2014: Ráðamenn til Sochi
• 1. janúar 2014: Viðtal við Guðrúnu Johnsen
• 1. janúar 2014: Erlent niðurhal innanlands⚠
• 1. janúar 2014: Þarmainnihald í hvalabjór
• 1. febrúar 2014: Læknirinn í Laugarási

Ótalin á myndinni eru engu að síður atriði eins og:

• 1. janúar 2014: Brynjar Níelsson um afkristni þjóðarinnar⚠
• 1. janúar 2014: MS borgar fyrir einokun
• 1. janúar 2014: Íslenska hálendið ferst í NY Times
• 1. janúar 2014: Aldraðir fjötraðir á Sólvangi
• 1. janúar 2014: Gunnar Bragi í Kastjósi
• 1. janúar 2014: Reuters dregur íslenska efnahagsbatann í efa
• 1. janúar 2014: Fríverslunarsamningur við Kína⚠
• 1. janúar 2014: Lög um starfsemi hagsmunagæsluaðila
• 1. janúar 2014: Gatnamót Kringlumýrarbrautar og Miklubrautar
• 1. janúar 2014: Stjórnarkjör í RÚV
• 1. janúar 2014: Þvagsýni vegna fjárhagsaðstoðar
• 1. janúar 2014: Uppsagnir í ráðuneytum
• 1. janúar 2014: Kostnaður við ferðalög forseta
• 1. febrúar 2014: Vefsíða Sigmundar Davíðs “gerð óvirk”⚠
• 1. febrúar 2014: Fyrirtæki í eigu lífeyrissjóða borga stjórnendum há laun
• 1. febrúar 2014: Brynjar Níelsson segir sannleikann um EES⚠
• 1. febrúar 2014: Engar konur hjá Fóstbræðrum
• 1. febrúar 2014: Kínverjar njósna um Norðurljósin
• 1. febrúar 2014: “Sérostar” ekki forgangsmál

Auk málsins sem var í gangi allan tímann, hafði verið í gangi í margar vikur fyrir jól og sér engan veginn fyrir endann á: Leki á minnisblaði innanríkisnáðuneytisins

…og svo er Icesave að koma aftur⚠!